Os experimentos de Pavlov con cans

As investigacións de Pavlov son unha das bases das ciencias do comportamento. Nas súas investigacións iniciais, Pavlov observara que tras poñer alimentos na boca do can que estaba a investigar, este empezaba a segregar saliva procedente de determinadas glándulas. Pavlov denominou este fenómeno como reflexo de salivación.


Ao realizar o experimento en repetidas ocasións, observou que a súa presenza (a do propio Pavlov) causaba que o can empezase a segregar saliva sen ter a comida presente, pois aprendera que cando Pavlov presentábase no laboratorio, ía recibir comida. Entón, para poder saber se estaba no certo, puxo un separador entre o can e a comida, desta maneira o can non podía visualizala. O investigador introducía o alimento por unha comporta e rexistraba a salivación do animal.
Pavlov comezou a aplicar distintos estímulos tanto auditivos como visuais que entón eran neutros, xusto antes de servirlle a comida ao can. Os seus resultados indicaron que, tras varias aplicacións, o animal asociaba os estímulos (agora estímulos condicionados) coa comida. Pavlov chamou reflexo condicionado á salivación que se producía tras esta asociación.

O Condicionamento clásico tamén se denomina modelo estímulo-resposta ou aprendizaxe por asociacións (E- R). Os resultados das súas investigacións, déromlle a Pavlov o premio Nobel en 1904.

No proceso, deseñou o esquema do Condicionamento clásico a partir das súas observacións:

• Estímulo Incondicionado (EI) é un estímulo que de maneira automática provoca unha resposta do organismo.
• A Resposta Incondicionada (RI) é a resposta que ocorre no organismo de maneira automática cando está presente un estímulo incondicionado. Para Pavlov sería a cantidade de saliva que o can segregaba cando se lle presentaba a comida.
• O Estímulo neutro (EN) é un estímulo que cando está presente no medio non provoca ningún tipo de resposta no organismo.
• Cando un estímulo neutro asociouse temporalmente cun estímulo incondicionado, este pasa a ser Estímulo Condicionado (EC), xa que é capaz en por si de provocar unha resposta parecida á que provocaba o estímulo incondicionado.
• A Resposta Condicionada (RC) é a resposta que aparece ao presentarse só o estímulo condicionado. Para Pavlov sería a cantidade de saliva que segregaban os cans cando se lles presentaba só o estímulo auditivo ou visual.
• Xeralmente a RC é máis débil que a RI e ten unha maior latencia, é dicir, tarda máis en darse unha vez que o estímulo está presente.