Arquímedes

Stephen William Hawking

Naceu o 8 de xaneiro de 1942 en Oxford e faleceu o 14 de marzo de 2018 en Cambridge.
Foi un físico teórico, cosmólogo, autor e director de investigación británico.
Hawking traballou nas leis básicas do universo. Xunto con Roger Penrose mostrou que a Teoría Xeral da Relatividade de Einstein implica que o espazo e o tempo han de ter un principio no Big Ban e un final dentro dos buracos negros. Unhos resultados que fan que sexa necesario a unificación da Relatividade Xeral coa Teoría Cuántica. Unha consecuencia desta unificación foi que se descubriu que os buracos negros podían emitir radiación e partículas subatómicas e eventualmente poden evaporarse e desaparecer.
En 1974 Hawking foi designado membro da Royal Society e, tres anos máis tarde, profesor de física gravitacional en Cambridge, onde se lle outorgou a cátedra Lucasiana de matemáticas (1980), que fora ditada por tan egrexias figuras como Isaac Newton e, máis recentemente, Paul Dirac. Hawking continuaría ocupando dita cátedra ata a súa xubilación en 2009.
A procura de vida intelixente foi outro dos temas que fascinou a Stephen Hawking: "Nun universo infinito, ten que haber outros casos de vida. Poida que, nalgún lugar do cosmos, quizais, haxa vida intelixente", declaraba en 2015 cando presentou un proxecto millonario para buscar sinais de vida extraterrestre.
Outro dos temas que inquietaban ao profesor Hawking era o avance das máquinas intelixentes. Entre outras reflexións Hawking aseguraba que: "Descoñecemos as posibilidades de vida noutros planetas, poida que nós sexamos os únicos seres intelixentes en toda a galaxia e existe a posibilidade aterradora de que a tecnoloxía supere á raza humana", dixo en 2016.
Hawking indicou que a Terra podería "morrer" en 200 anos se non se actúa contra este problema e que o planeta alcanzará a mesma temperatura que Venus. En palabras de Hawking, Venus é un exemplo do quecemento global descontrolado, algo que podería suceder na Terra se os gases de efecto invernadoiro na atmosfera alcanzan niveis extremos
Hawking sufriu unha enfermidade que era de lenta progresión, chamada esclerose lateral amiotrófica, tamén coñecida como doenza de Lou Gehrig, enfermidade que o levou década paralizándoo progresivamente. Hawking a causa desta enfermidade só se comunicaba empregrando un único músculo da súa meixela conectado a un dispositivo xerador de voz. Hawking casouse 2 veces e tivo 3 fillos.
Dúas semanas antes da súa norte, Hawking deixou escrito o seu último legado: cómo predecir o fin do mundo.